Şarê Kampa Multecîyan a Şehîd Rustem Cûdîyî (Mexmûr) vera hêrişê hewayî ke dewleta tirke ewro kerd, vejîya kuçeyan.

Çalakwanê ke verê banê Komeleya Keyeyanê Şehîdan de ameyî têhet pê slogananê xoverdayîşî ver bi nuqtaya kontrolî yê artêşa Iraqî reyra şîyî. Dima ra eşkerayîye ameye dayene.

Hemserek Meclîsê Şarê Mexmûrî Haci Kaçanî ke tîya qisey kerd, vera hêrişê dewleta tirke hersê xo ard ziwan û vat: ''Pê paşdayîşê PDK û NATO dewleta tirke bi desan rey o ke hêrişê şarê ma kena. Ma rîyê hêrişê dewleta tirke erdê pîrik û pîrkalanê xo caverda. Ma sey merdimanê şehîdan û teqîpkaranê Rayber Apoyî çirey peyser game nêeşte ma nêerzê. Heta vînkerdişê dişmenî ma do têkoşîn bikerê.''

Badê eşkerayîye bi nameyê kampe heyetêk hêzanê leşkerî yê Iraqî reyde ame têhet.