Şarê Kampa Multecîyan a Şehîd Rûstem Cûdîyî ya Mexmûrî 'qedexeyê pêvînayîşî' yê vera Rayberê Şarê Kurdî Abdullah Ocalanî bi eşkerayîyêke şermezar kerd.

Hemserekê Dîwanê Meclîsê Şarî Elî Bîlehîyî eşkerayîye wende û vat: ''Her hîrê mengan de yew pêvînayîşê Rayber Apoyî yê bi keyeyê xo yeno qedexekerdene. Ma ney bi kîn û nefretî şermezar kenê. 25 serrî yo bi tecrîdî vera Rayberê ma îşkenceyêko sîstematîk yeno kerdene. CPT zî verê nê tecrîdî de bêveng o. 

CPT raporanê xo yê serê Îmraliyî zî eşkera nêkeno. No nêno qebulkerdene. Nika zî binê nameyê 'cezaya dîsîplînî' de pêvînayîşê bi Rayber Apoyî yenê astengkerdene. Hêrişê vera Rayber Apoyî hêrişê vera ma yê. Şima se kenê bikerê nêeşkenê ma Rayber Apoyî ra dûrî bikerê.''

Çalakîye bi sloganan qedîyaye.