Goreyê xeberanê medyaya cayîye Fermandarê Hêzanê Asayîşî yê PDKyî Sîrwan Barzanî zî tede heyetêk îdarekaranê artêşa Iraqî reyde pêvînayîş kerd. Dîya zanayene ke pêvînayîş de pêkewtişê nuqtayanê leşkerî yê Qereçoxî yê Mexmûrî ameyî destgirewtene. 

Yeno îfadekerdene ke pêvînayîş de qerar ame girewtene ke 3 nuqtayanê leşkerîyan ê Qereçoxî de do PDK û 3 nuqteyanê leşkerîyan ê bînan de zî hêzê Iraqî bêrê cakerdene.

Şar nêwazeno ke asayîşê Mexmûrî bikewo destê PDKyî. Şarê Mexmûrî vera nê pêkerdişê mabênê PDK û Iraqî rayraşîyayîş organîze kerd. Şarê kampe heta nuqtaya kontrolî ya Iraqî ke teberê Mexmûrî de ya,bi sloganan rayra şi.

Şarê Mexmûrî ke verê Dezgehê Keyeyanê Şehîdan de ame têhet bi slogananê  ‘Bijî Serok Apo’ û  ‘Bimre îxanet’ raya şi. 

Yeno pawitene ke îdarekaranê Mexmûrî ra heyetêk do selahîyetdaranê Iraqî reyde pêvînayîş bikero.