Rayberîya Têgêrayîşê Ciwanan ê Mexmûrî û Têgêrayîşê Cinîyan ê Mexmûrî de  Kampa Multecîyan a Şehîd Rustem Cûdî ya Mexmûrî seba protestokerdişê hêrişanê qirkeran û îşxalkaran ê Dewleta Tirkî serê Vakur û Rojakewtena Sûrîye rayraşîyayîşêk viraşt. 

 Rayraşîyayîş verê Şaredarîya Mexmûrî ra dest pêkerd, alayê PKK, KCK, YJA-STAR, YPG û YPJ'yî ameyî rakerdene û pankartê bi nuşteyê 'Tecrîd bişiknê, Faşîzm birijnê û Kurdistan azad bikê', 'Sere wedarê, şer bikê û Rayber Apo azad bikê' ameyî akerdene.

Bêmabên sloganê 'Şer şer şer seba azadîye şer', 'Biciwîyo Serek Apo', 'Biciwîyo Xoverdayîşê Rojawanê Kurdistanî', 'Bimrê îxanetkarî û nokerî'

Rayraşîyayîş merkezê Kultur û Hunerî yê Mexmûrî de bedilîyayo mîtîng û tîya  eşkerayîyêk ameye vilakerdene. Eşkerayîye hetê endamê Rayberdişê TCM'yî Leheng Kara ra ameye wendene.

Kara vat: "Dewleta Tirkî ya îşxalkare na rey zî hêrişê şarê Rojawanê Kurdistanî kerd. Dewleta Tirkî hêrişê şarê Kurdî keno. Hînî sebr nêmend. Hînî ma ciwanî do sere verba dewleta Tirkî wedarenê. MA veng danê ciwanê Başûr, Vakur, Rojakewtene û Rojawanê Kurdistanî û ciwanê Ewropa ke bêrê ma pîya verba dewleta Tirkî têkoşîn û xoverdayîş bikê. Ma pêro ciwanan rê veng danê ke verba îşxalkarîya tewrê xoverdayîşê bibê." Çalakîye pê sloganan qedîyaye.