Şaredarîyanê Stewr, Dêrik, Şemrex û Pirsusî de qeyûm ame cakerdene
Şaredarîyê HDPyî yê Stewr, Dêrik, Şemrex û Pirsusî yê ke hetê îqtîdarê AKP-MHPyî ra ameyî xespkerdene de qeyûm ame cakerdene.
Şaredarîyanê HDPyî yê qezayanê Stewr, Dêrik û Şemrexî yê Mêrdînî û Pirsusê Riha de qeyûm ame cakerdene.
Mêrdîn de vizêr çarçewa operasyonê qirkerdişê sîyasîyî de Hemşaredara Partîya Şaran a Demokratîke (HDP) ya Stewrî Gulîstane Oncu, Hemşaredara Şemrexî Nalane Ozaydin û Hemşaredara Dêrikî Mulkîye Esmez ameybî destbendkerdene. Herinda nê hemşaredaran de qeyûm ame cakerdene.
Reyna herinda Hemşaredara Qezaya Pirsusî ya Riha Hatîce Çevîk a ke vizêr ameyebî destbendkerdene de zî qeyûm ame cakerdene.
Heta nika 3 înan ê bajaranê pîlan 24 şaredarîyanê HDPyî de qeyûm ame cakerdene.
