Vakurê Kurdîstanî de bi hezaran hemwelatîyî hê Newroze fîraz kenê. Waranê Newroze de kurdî pê kincanê xo yê tradîsyonelan govendê 'azadîye' gênê.

Şirnex

Qezaya Cizîre ya Şirnexî de şarî rixmê bendanê polîsan derbazê warê Newroze bî. Qerebalixê girseyî her ke şino zêdîyeno. Girse sloganê sey 'Biciwîyo Serek Apo', 'PKK şar o, şar tîya de yo' vano. Polîsan hetê bendan de bombayê gazî eştî şarî ser. Merkezê Şirnexî de zî bi hezaran kurdî ameyî pêser û govendan gênê. Rojdemê Newroza Şirnexî tecrîdê vera Rayberê Şarê Kurdî, grevê vêşanîye yê tepişteyan û dewaya qefilnayîşî ya HDPyî yo.

Bedlîs-Tetwan

Hemwelatîyî serê sibayî warê Newroze de ameyî pêser û pê dahol û zûrnayan govengd girewt. 

Colemêrg 

Colemêrg de zî şayîya Newroze pê beşdarîya bi hezaran merdiman dewam kena. Dew, qeza û taxan ra bi hezaran kesî hema zî yenê warê Newroze. Wekîlê HDPyî Şevîne Coşkun û Hasan Ozguneş zî tewrê şayîye bîyî. Verî ke adirê Newroze bêro tavistene deqayêk rêz bêro girewtene. Koma Çiya û Murat Demîr do vejîyê sehne ser.  Gever de zî Wekîlê HDPyî Saît Dede û Hemşaredarê Silopî Adalet Fîdan  tewrê Newroze bibê.

Agirî 

Qezaya Bazîdî de ar hêdî hêdî warê Newroze keno pirr.  Wekîlê HDPyî abdullah Koç şayîya Agirî de do qisey bikero. Merkezê Agirî de zî Stadyumê Agirî de şar seba şayîye ame pêser. Sîyasetmedar Sirri Sakik, Wekîlê HDPyî Dîlane Dîrayet Taşdemîr ameyî warê Newroze.  Hemwelatîyî govendan gênê.  

Mûş 

 Mûş de zî şayîye goreyê texmînan saetêke ra dima do dest pêbikera.

Reyna, Nisêbî, Qoser, Êlih, Sêrt,Riha, Dîlok û xeylêk cayanê bînan ê Kurdîstanî de Newroze pê sloganan û govendanê azadeye yena fîrazkerdene.