Serekê Herêma Kurdîstanî Nêçirvan Barzanî 5ê gulane de şibi Îranî. Rojnameyê Şarqul Awsatî îdîa kerd  ke Barzanî wazeno selahîyetdaranê Îranî tedaya YNKyî bikero ke weçînayîşê parlamentoyê Herêma Kurdîstanî taloq bikero.

PDKyî bira mehkemeya Federale ya Iraqî ra dima bire dabî ke weçînayîşanê herêmîyan ê 10ê hezîrane boykot bikero.

Barzanîyî naye ra verî Bexdad zî zîyaret kerdbi û seba taloqkerdişê weçînayîşan pêvînayîşî kerdbî.

Yeno îdîakerdene ke Barzanî na babete de selahîyetdarê Iraqî îqna kerdê.