Endamê Komîteya Têkilîyanê Teberî  yê KCK’yî Demhat Agît (Seyîtxan Ayaz) û endamê Komîteya Weşîye Cemîl Amed (Eser Irmak) ê ke 15’ê Teşrîna Verêne de Silemanî de nêtîceyê hêrişê dewleta Tirkî de şehîd bîyî, Şehîdgehê Mehmet Karasûngûrî yê Qendîlî de ameyî definkerdene.

Merasîmo ke bi hezaran kesî tewrê ci bîyî de vervatoxê Komîteya Tekîlîyanê Teberî yê KCK’yî Zagros Hîva qisey kerd. Hîvayî bale ante ke no hêriş vera yewîya Kurdan ame kerdene û va: ‘‘Şehîd Demhat Agît û Cemîl Amedî semedê yewîya şarê Kurdî yê çar leteyanê Kurdistanî mucadele kerd û nê rayîr de şehîd bîyî. Ma zî do xeta înan mucadeleyî gird bikerê û waştişê înan bîyarê ca.‘‘ Seba ke cenazeyî bînşewe mîyan Silemanî ra vejîyayî, Hîvayî reaksîyo da û hukmatê Başûrî rexne kerd û va: ‘‘Nêzdîbîyayîşê hukmatê Başûrî û îdareyê Silemanî yê vera cenazayan sey AKP’yî yo. Ganî  yê nê nêzdîbîyayîşê xo çimî ra ravêrnê.‘‘ Dima ra şehîd bi sloganan ameyî definkerdene.‘‘