Şehîde Roza Xerzan (Esma Çetîn) 19ê gulana 2015î de tewra gerîlayan bîye. Gerîlatîya aye ya 2 serran pê têkoşînêkê pîlî derbaz bîye û Xerzan de şehîd bîye.

Xalzayê ci yo ke sey aye gerîla yo wina qala Roza kerde: ''Ma pîya şîbî dibistane. Bi taybetî prosesê Kobanê zaf tesîrê aye kerd. Ma tim nîqaş kerdêne ke ganî se bikerê. Aye zaf waştêne bimuse û fam bikera. Aye waştêne tewra karê ciwanan biba la keyeyê ci nêverda. Dima ke Roza tewra gerîlayan bîya 5 rojan ra dima ez Tirkîya ra ameya Kurdîstan û tewrê gerîlayan bîya. Ma heman dewreyê perwerdeyî de bîyî, mîyanê 25 kesan de têna Roza cinîye bîye. Wexto ke aye ez dîya ameya hetê mi verar şîya mi û vat 'mi zanayêne ti do bêrî.' Ma nêzdîyê 10 rojan perwerde dî. Rayêke aye vat çira ma rewî ra nêameyî. Perwerdeyî ra dima reyna ma yewbînî dîyî. Embazan a erşawitbi perwerdeyê warê ma.

A eşkayêne astengîyan xo verî ra wedarna. A cade şertanê zehmetan ê Xerzanî musaya. Dişmenî zimistanê 2015î de hem seba mi hem zî seba Roza vatbi 'remayî.' La ma kampan de bîyî û semedê prosesê wisarî ma perwerde dîyêne. Wexto ke ez ameya wezîfedarkerdene pê hîsê cîyabîyayîşî ma bermayî. Wexto ke ez ewnîya peyê xo ra mi dî ke çimê aye de hêsirî destê xo mi rê şanena tê. No dîmen hema zî vîrê ma de yo.''

Hêrişê artêşa tirke yê 21ê adara 2017î de qezaya Tetwanî ya Bedlîsî de Roza Xerzan (Esma Çetîn) pa 10 embazanê xo şehîd bîye.