Seba şehîdanê Rojhelatê Kurdîstanî Hêja Sine, Şêrko Rojhilat û Sîrwan Alanî yê ke Koyê Şahoyî de hetê rejîmê Îranî ra ameyî qirkerdene, Parka Hewarî Şarî ya Silêmanî de merasîmêkê yadkerdişî ame kerdene. Çar parçeyanê Kurdîstanî ra xeylêk kesî tewrê merasîmî bîyî. 

Nameyê keyeyanê şehîdanê Rojhelatê Kurdîstanî ser o hetê dîyar Beledî ra mesajêk ame wendene. Beledî soz da ke ê do xebat û têkoşînê şehîdan rê dewam bikerê. Dadîya Hêja Sine Pirseng Şahoyî zî vat ke ê domanê pêro Kurdîstanî bîyî û ganê xo seba azadîya şarê xo dayî.

Merasîm pê slogananê sey 'Şehîdî nêmirenî', 'Biciwîyo Serek Apo' qedîya.