Şemzînan de wesayîto zirxin ame îmhakerdene

Gerîlayan semedê şermezarkerdişê Komploya Mîyanneteweyîye ya 9’ê Teşrîna Verêne Şemzînan de çalakîya sabotajî viraşte, wesayît bi temamî ame îmhakerdene, leşkerêk ame kiştene û 4 leşkerî zî birîndar bîyî.

Merkezê Îrtîbat û Çapemenîye ya HPG’yî bi eşkerayîyêk derheqê çalakîyanê gerîlayan û hêrişanê artêşa Tirkî de zanayîş da.

Eşkerayîya HPG’yîd e ca dîya nînan:

Çarçeweya Hemleya Şorişgêre ya Şehîd Bager û Şehîde Ronya de 5’ê Teşrîna Verêne de  hêzanê ma  semedê şermezarkerdişê Komploya Mîyanneteweyîye ya 9’ê Teşrîna Verêne qezaya Şemzînanî ya Colemêrgî  de çalakîya sabotajî viraşte. Çalakîya ke  mabênê  bajarekê Rubarok û  Tepê Xwedê de ameye viraştene de wesayît bi temamî ame îmhakerdene, leşkerêk ame kiştene û 4 leşkerî zî birîndar bîyî. 1’ê Teşrîna Verêne de artêşa Tirkî ya îşxalkare qezaya Çelê ya Colemêrgî de mintqaya Pirê de operasyonê hewayî viraşt. Nê hêrişî de 2 embazê ma şehîd bîyî. Hayîdarîyê nasnameyanê  nê embazanê ma do pey ra bêrê parekerdene. 5 ‘ê menge de mintiqaya Şehîde Mizgîne  ya  qezaya Tetwanî ya Bedlîsî de çalakîya sabotajî ameye viraştene. Çalakîye de îstasyonê bazî bi temamî ame îmhakerdene. 6’ê menge de teyareyanê şerî yê Tirkî Gare de Deşta Nehlê û der û dorê dewa Çembrobotkî ser o bombayî varnayî.  Nê hêrişan de zirarêk nêresa ma la erazî de şewat vejîya.’’