Dewleta tirke ya îşxalkerê 15ê çeleyî de hêrişê dewa Digurê ya Şengalî kerdbi û nê heriş de fermandarê YBŞyî Zerdeş Şengalî û şerwanê YBŞyî Ezdîn Şengalî, Pîr Hemît Şengalî û Cilo Şengalî şehîd bibî.

Roniştoxê Şengalî seba ke şerwanan yad bikerê û hêrişê dewleta tirke şermezar bikerê verê Meclîsê Digurê de ameyî pêser. Dima rayraşîyayîşêk ame kerdene û sloganê ''Şehîdî nêmirenî'', ''Bimiro îxanet'', ''Ey şehîd gonîya to do erd de nêmana'' ameyî vatene.

Rayraşîyayîşî ra dima deqayêkê rêzgirewtişî ame kerdene. Hemserekê Îdareyê Xoserî yê Demokratîkî yê Şengalî Hisên Hacîyî û endamê PADÊ Hemd Bişarî çalakîye de qisey kerd û înan hêriş şermezar kerd û şehîdî yad kerdî. Girse dima şî cayê hêrişî û uca de vilikî û alayî nayî ro.