Endamê Komîteya Merkezî ya PKKyî Cemal Şerîkî ANFyî rê qisey kerd.

Şerîkî vat: ''Averşîyayîşê sey zanîst, felsefe û îdeolojî bi prosesanê komelkî vejîyayî orte. Medenîyeto kapîtalîst wazeno dest nînan seran o û bîgero binê kontrolê xo. Dewletê kapîtalîstî ê serdestî wazanê ke dinya mîyanê xo de pare bikerê coka şerê dinya vejîyenê. Madî û manevî heme erjê komelî yenê xespkerdene û çîyêkê komelî nêmaneno. Komel bi xoza xo aferneno. Merdim bi xoza beno temam. Sîstemê kapîtalîzmî xoza û komelî cêser fîneno no zî temamîye xeripneno û nêweşîyan vejeno orte. No zî beno sebebê kaosî. Krîz û problemî bi tewiranê cîya cîyayan eşkenê bêrê çareserkerdene la kaos wîna nîyo. Kaos çîyê estbîyayeyî ra vejîyayîş, hela kerdişî ramojneno. Kaos ramojneno ke şertê ke tira vejîyayo zî do hînî wina dewam mekerê. Ewro komel û xoza çîyê ke ciwîyenê zî wina yê. Sîstemê kapîtalîstî kaos de yo. Komel hînî nêeşkeno mîyanê kaosî de bibo. Ya sey komelî orta ra wedarîyeno ya zî mîyanê kaosî de xo newe ra înşa keno.

Eynî çî xoza zî ciwîyena. Medenîyetê kapîtalîstî semedê karê xo xoza talan keno. Coka nêweşîyeyî vejîyenê. Nê nêweşîyeyî kampîtalîzmî yê, nêweşîyê komel û xoza nîyê. Janê Korona zî wîna yew raştîye ya. Korona têna bi nê zî sînordar nîya. Eynî wext de medenîyetê kapîtalîstî wazeno ke bi na nêweşîye komelê xo biaferno. Kapîtalîzm komelê xo aferneno. Eke wina mekero nêeşkeno serdestîya xo rê dewam bikero. Wazeno ke merdimî/e merdimîye ra vejîyo bibo birre. Merdimo/a ke nêeşkena bi fikrê xo, xo biaferno wazenê. No zî robotbîyayîş o. Muhendîsîya komelî nameyêkê nê projeyî yo. Coka nêweşîye sey janê Korona têna nêtîceya xeripnayîşê xoza nîya. Netîceya gureyê muhendîsîya laboratuvaran a. Mîkrobê ke laboratuvaran de ameyî afernayene yê. Nê mîkropî cuya komelî newe ra dîzayn kenê. Vanê jan esto wa kes keyeyî ra mevejîyo. Cuya sosyale yena qedînayene û modernîteya kapîtalîst sey memûran her perrî girewtî. Heme hêzê ke vera sîstemê ci mucadele kenê verê înan genê. Korona ra sîstemê kapîtalîstî kar keno. Nêweşîyê winayêne do hema vejîyê. Şerê Dinya yê 3. têna cephe de nêdîyeno. Her hetî ra vera merdimîye yeno rayraberdene. No şerê dîzaynkerdişê dinya yo.''