Kombîyayîşê Îdareyanê Herêmîyan ê Cinîyan ê DEM Partî, bi şîarê ‘’Cinîye Cu ya, Cuye Xoîdarekerdiş o’’ mabênê 23-24ê gulane de Amed de amebi kerdene. Netîcenameyê kombîyayîşî ame eşkerakerdene.

Netîcename de dîya zanayene ke kombîyayîş de perspektîfê têkoşînê cinîyan, Vengdayîşê Komelê Demokratîkî û Haştîye yê Rayber Apoyî û îdareyê herêmîyî ameyî nîqaşkerdene.

Netîcename de nê birî ameyî girewtene;

Bingeyê Komelê Demokratîkî û Haştîye de sîstemê hemserekîye û paradîgmaya ‘cuya têdûşte’ her ca de wa bêrê averberdene. 

Konfederalîzmo Demokratîk ê Cinîyan waranê herêmîyan ra heta her warê cuye  bêro caardene.

Têkoşînê azadîya cinîyan û têgêrayîşê cinîyan wa bi xurtêrî bêrê rêxistinkerdene.

Vera mekanîzmayanê şîdetî, tecawuz, tacîz, teda û kerdişanê xirabanê îqtîdarî nasnameyê cinîya azade bipawîyo.