Kurdîstan de şewatê ke rîyê operasyononanê dewleta tirke ra vejîyayî pê vilabîyayîşî dewam kenê.

Dêrsim de şewatê Xozatî yo ke 17ê tebaxe de dest pêkerd hema zî dewam keno. Badê şewatê Xozatî û Dereyê Rojî yê Gelîya Pilemûrîye de û perey zî Çirrê Firtina Velîyî yê Gelîya Munzurî de şewat vejîya. Rixmê mudaxaleyê şarî û ekîbanê Şaredarîya Dêrsimî şewatî hema nêgerîyayî binê kontrolî.

Şewatê Gelîya Munzurî pê tesîrê vayî vila beno. Koyan rad û berz beno. Ewro saetanê şefeqî de grûba 60 kesan merkezê bajarî ra semedê hewnakerdişê şewatî şîye herêma şewatî pîya bi ekîbanê hewnakerdişê şewatî sey mudaxale kerd ke şewat bêro hewnakerdene. Şarê Xozatî zî tewrê xebatê hewnakerdişê şewatî beno.