30ê temmuze de qezaya Xozatî ya Dêrsimî de leşkeranê tirkan dewanê Derekoy û Geşnekî de  şewat vetbi. Şewat dewanê Ormanyali, Boydaş û Çakmakliyî ra vila bi.

Dêrsim de heyetê bi sîyasetmedaran, temsîlkaranê dezgehan û şarî waşt ke şoro warê şewatî ke ci rê mudaxele bikero. La leşkeran heyet asteng kerd û mabênê polîsan û heyetî de nîqaşî qewimîyayî. Dima ke wekîlanê CHPyî polîsan reyde qisey kerd heyet şi warê şewatî.

La leşkeran hetê dewa Çaytaşiyî de reyna heyet vindarna û pê bahaneya 'herêma asayîşê taybetî' heyet asteng kerd. Astengkerdişî ra dima heyet herême ra agêra.

Şarê Xozatî pare kerd ke leşkeran qestî ra şewat veto. Herêma şewatî de dewê vengkerdeyî estê ke dekewetiş û vejîyayîşê ci qedexe yo.