Şimdî yo ke sereştişê Mêrdînî de cuya xo vînî kerde ame definkerdene

Firat Şimdî yo ke seba ke sereştişê polîsan ê ser keyeyî yê Artûklû de nêkewo dest peynîya cuya xo arde, ame definkerdene.

Vizêr saetanê sibayî de taxa Îstasyonî ya qezaya Artûklû ya Mêrdînî de polîsanê tîmê taybetî eşt serê keyeyêkî, ame îfade kerdene ke Firat Şimdî keye de seba ke nêkewo destê polîsan peynîya cuya xo arde.

Cenazeya Şimdîyî dimayê karê otopsî yê Nêweşxaneyê Dewlete yê Mêrdînî hetê keyeyê ey ra ameye girewtene. Cenazeya Şimdîyî goristanê taxa Îstasyonî de ameye definkerdene.Nêame destûrdayene ke keyeyê Şimdîyî ra ber kesêk tewrê merasîmê definkerdişî bibo. Tezîye keyeyê Şirînî de ameye ronayene. Qeyûmo ke Şaredarîya Mêrdînî rê amebi tayînkerdene seba cenazeye erebe nêda keyeyî.