Şingal de serkêşîya Meclîsê Xoserîya Demokratîke ra Pêkerdişê 9ê Teşrîna Verêne û hêrişê hukmatê Kazimî ameyî şermezarkerdene. Xeylêk temsîlkarê partîyanê sîyasîyan û dezgehan û bi hezaran êzidîyî tewrê çalakîye bîyî.

Rayraşîyayîş de sloganê sey “Şengal welatê me ye”, “Asayîş hêza me ye”, “Asayîşa me rûmeta me ye”, “Em şer naxwazin, aşitî dixwazin”, “Bijî Berxwedana Şengalê”, “Bimre Xiyanet” ameyî eştene. Dima ra eşkerayîye ameye dayene û sey şeş madeyen waştişê Şingalijan ameyî rêzkerdene.

Waştişê êzidîyan wina yê:

*Pêkerdişê wextê fermanî yo ke wazeno hêzanê ma vila bikero, ma qebul nêkenê.

*Ma veng danê Amerîka ke wa semedê pawitişê komelê êzidiyan têbigêro.

*Iraq ganî Asayîşê Êzidxanî çarçeweya qanûnî de sey fermî qebul bikero.

*Semedê muhakemekerdişê kesanê ke wextê hêrişê DAÎŞî de perbirsîyarîyê xo nêerdî ca û şarê ma têna vera, wa komîsyonêk bêro ronayene.

*Heyetê ke çend rojî verî Kazimî zîyaret kerd, Şingalî temsîl nêkeno. Heyet hetê PDK û berpirsîyarê operasyonanê Ninova ra ame organîzekerdene.

*Ma veng danê Babê Şêxî ke wa qet paştî medo partîya sîyasîye û hêzî. Wa heme êzidîyan ra seycîye nêzdî bo.