Şingal de saete 10.00 de seba ke şehîdê Fermanê 3yê Tebaxa 2014î bêrê yadkerdene cuye vinderte. Xanêsor, Sinûn, Duhol û merkezê Şingalî de bi beşdarîya şarî û bi serkêşîya dezgeh û heyetanê Îdareyê Xoserî merasîmêkê yadkerdişî ame kerdene.

Yusif Cuan Heciyî vat ke înan seba şehîdanê xo cuye vindarnaya û vat: ''Ma raştê qirkerdişî ameyî. Ma na roje xo vîr a nêkerê. Ma xo vîr a nêkerê ke a roje kamî ma rê hetkarîye kerde û kamî îxanet kerdo.''

Endamê Meclîsê Şarî yê Xanêsorî Xalid Şengalîyî zî pare kerd ke hema pêro gorê komkîyî nêameyê akerdene û waşt ke cade ê zî bêrê akerdene. 

Alîmê dînî Feqir Şivanî vat: ''Ma pêro şehîdanê xo bi rêzî yad kenê. Wa pêro êzidîyî seba na roja reşe bêrê yewca. 3yê tebaxa 2014î de înan şarê ma vêşna la ma do pê fermanan nêqedê.''