Dayîke Gulê Mişkoya ke mîyanê êzidîyan de bi nameyê 'Dayê Gulê' şinasîyena û vera DAÎŞî bi çêrî xo ver dabî, serrgêra Fermanê 3yê Tebaxa 2014î de Şingal de ameye yadkerdene.

Seba Dayê Gulê 2yê tebaxe de peyker ronîyabi. Dayê Gulê verê peykerî de ameye yadkerdene. Yadkerdiş de alîmê dînî Şêx Saetî pare kerd ke ganî êzidîyî vera hêriş û qirkerdişan yew bibê.

Kênaya Dayê Gulê Dilîman Reşo zî ard ziwan ke fermanê serê Şingalî dewam kenê û vat: ''Ma eşkenê pê yewî û rêxistinîya xo heqê fermanan ra bêrê.''

Endama TAJÊ Kinê Xidir vat ke ê do tim rêçê şehîdan de şorê û wayîrê têkoşînê înan vejîyê. 

Qiseykerdişan ra dima verê peykerî de findî ameyî tavistene û sloganê 'şehîd namirin' ame vatene.