Çeteyanê DAÎŞî 3ê tebaxa 2014 de Şingal de qirkerdiş kerd. Şaro ke ame qetilkerdene goranê komkîyan de ame definkerdene. Şingal de heta nika 87 goranê komkîyan ra 34 hebî ameyî akerdene.

Nê rojanê ke serrgêra fermanî bîyo nêzdî de aqibetê kesanê ke qirkerdiş de vînî bîyî reyna rojdem de yo. Hukmatê Iraqî goranê komkîyan akeno. Dewa Qinde şeş gorê komkî yenê akerdene. Goreyê şahîdan tîya 100 kesî definkerde yê.

Bi seyan kesanê ke destê înan de fotografê êyê ke ameyî qetilkerdene est ê ameyî cayê gorî. Îdareyê Xoserî yê Şingalî zî şi dewa Qinde. Cenazayê ke do tîya ra vejîyê semedê testê DNA do bişawîyê Bexdadî û badê safîkerdişê nasnameyan teslîmê keyayanê înan bibê.

Yeno pawitine ke na xebate do çend rojî derg bikero.