Şingal de serkêşîya Îdareyê Xoserî de bi hezaran şingalijan bi nameyê ''Qirkerdiş û koletîye ra ver bi xoserîye û azadîye'' rayraşîyayîş kerd. Rayraşîyayîş de îxanetê PDKyî ame şermezarkerdene.
Şingal de bi wesîleya Fermanê 3yê Tabaxa 2014î dikanî ameyî qefilnayene û bi desan çalakî aktîvîteyî ameyî kerdene. Nê aktîvîte û çalakîyan de kesê ke Şingal de şehîd bîyî ameyî yadkerdene û reyna îxanetê PDKyî ame lanetkerdene.
Bi nameyê ''Qirkerdiş û koletîye ra ver bi xoserîye û azadîye'' rayraşîyayîş ame kerdene. Hewtî ra heta hewtayî her kes tewrê rayraşîyayîşî bi.
Rayraşîyayîş de sloganê sey Biciwîyo Xoverdayîşê Şingalî ameyî vatene û xoverdayîşê gerîlayanê HPG û YJA Starî ame selamkerdene.
Rayraşîyayîş de posterê kesanê ke xoverdayîşê vera fermanî de şehîd bîyî ameyî kiriştene.
Seba ke çeteyanê DAÎŞî ferman de cinîyê êzidî remnayî û bazaran de sey koleyan rotî, cinîyan kincê sîyayî kerdî piray no şermezar kerd. Tay cinîyan zî xo pê rêzilan girêda û fotografê cinîyan ê êzidîyan ke ameyî remnayene û qetilkerdene kiriştî.
Rayraşîyayîşo ke verê Meclîsê Şarî de dîya destpêkerdene û Mekteba Sorî dewam kerd.
