Cinîyan ê êzidîyan ke derheqê şehadetê Fermandarê YBŞyî Seîd Hesen û birarzayê ci Îsa Xwêdedayî  yê ke vizêr hetê dewleta tirke ra ameyî şehîdkerdene, de qisey kerd vat pîya bi her qirkerdişî sey dejî hersê înan zî zêdîyeno.

Şingalijan vizêr badê hêrişê dewleta tirke,  cenazayê şehîdanê xo pê konvoyê bi seyan wesayîtan berdî şehîdgehanê Şehîd Berxwedan û Şehîd Dilgeşî û bi merasîmanê biheybetan defin kerdî. Fermandar Şehîd Seîd Hesenî seba ke wesîyetê xo kerd bi kişta Mam Zekîyî de ame definkerdene.

Cinîyê ke cayê qewimîyayîşî de ameyî têhet û leteyê şehîdanê xo arê dayî, dejê zerîya xo bi lawikan ard ziwan. Dayîkan vera qikerdişî hersê xo ard ziwan û vat ê do tim rayîrê şehîdanê xo de bê.

Dayîke Meyan Xwedada vat: ''Ma dayîkan esteyê domananê xo arê dayî. Vera ma sîyaseto wina zalim yeno rayraberdene. Ma vanê ke ê pê pêro teyarayanê xo hêrişê ma bikerê zî ma do êzdayîya xo cameverdê. Ma rayîrê şehîdanê xo ra nêvejîyenê. Ma embaz û şerwanê embaz Seîdî yê. Wa her kes bizano  ke pîya bi her hêriş û qirkerdişê ke vera ma benê sey dejî hersê ma zî zêdîyeno.''

Dayîke Adule zî vat: Na menga 8. semedê ma bîye manga sîyaye. Ganî yew hukmatî wina bêanorîye mekerdêne. Eşkerayo ke hukmatê Kazimî vera ma qerar girewto ke dişmenîye bikero. Ma rê komplo ame kerdene. Planêko pîlêr bibê la ser nêkewtî. Ma êzidîyê verênî nêyî. Ma xo rêxistin kerd û ma vera hêrişan hersbîyaye yê.''