Operasyonê qirkerdişê sîyasî yê îqtîdarê AKP û MHP'yî dewam kenê. Amed û Şirnêx de 14 kesî ameyî tepiştene.

Şirnêx de û qezayanê ey de polîsan saetanê serê sibayî ra bi hewayêkê hemwextî eşt serê keyeyan. Sereştişan de endamê Partîya Şaran a Demokratîke (HDP) zî tede, 14 kesî ameyî destbendkerdene.

Ame vatene  ke endama Meclîsê Şaredarî ya HDP'yî ya Şirnexî Gurbet Guleşe û lajê Mahmut Duymako ke wextê qedexeyê vejîyayîşê teberî yê Cizîrî de ame kiştene, Firat Duymak zî ameyî destbendkerdene. Dadîya ci Lutfuye Duymak çend mengan cuwa ver, wextêk zîndan de mendibi û netîceyê îtîrazî ra ameye veradayene.

AMED

Polîsan vizêr Baglarê Amedî de eşt serê keyeyê Altindaşî. Berê keyeyî ame şiknayene û hacetê keyeyî ameyî vilakerdene. Ame zanayene ke nê wextî de kes keye de çinêbi. Verê sereştişî Rêber Altintaşo 22 serre ame destbendkerdene û seba tahqîqatî polîsan eşt serê keyeyî.