Di  goristananê Şirnexî de cenazayê 48 gerîlayanê HPG û YPSyî estê ke wextê qedexeyê tebervejîyayîşî yê 2015-2016î de Cizîre û Sliopî de  tarîxanê cîya-cîyayan de şehîd bibî û nasnameyê înan nêameybî tesbîtkerdene. Goristanan ra yew taxa Konutlarî ya merkezê Şirnexî de yo, oyo bîn zî taxa Yafesî ya Cizîre de yo.

Goristanê Cizîre de 12, goristanê Konutlarî de zî 36 cenazayî estê. Cenazayî bi hawayêkê pêserî ameyê definkerdene.

Roniştoxêkêo/a ke nêwaşt nameyê ci eşkera bibo da zanayene ke cenazayî zafêr şewe ameyê definkerdene.

Cizîre de qedexeyê tebervejîyayîşî yê 2015-2016î de goreyê raporanê rêxistinan 177 kesî binê bodruman de bi temamî 288 kesan dinyaya xo bedilnaye. Cenazayî ya erşawîyayî şaristananê cîya-cîyayan yan zî hetê selahîyetdaranê dewlete ra goristananê şaristanî de ameyî definkerdene. Cenazayê 14 kesan hema zî vînîbîyaye yê.

Keyeyan mengan ra dima netîceyê testê DNA girewtî. 12 cenazayê bênasnameyê ke o çax merdî, hema zî goristanê Yafesî de definkerde yê.