Merkezanê bajaranê Şirnex û Êlihî de saetanê şewe de teqayîşî qewimîyayî.

Goreyê zanayîşanê ke ameyî girewtene merkezê Şirnexî de saetanê şewe de teqayîşo pîl qewimîya. Vengê teqayîşê her hetê bajarî ra ame eşnawitene. Badê teqayîşî herêma Fermandarîya Tumenî ya Sînorî ya Cendirmeyan a 23. de têgêrayîşê leşkerî ciwîya. Dîya zanayene ke Fermandarîya Tumenî de çila şîye hewna û vengê çekan ame. Tumenî ra guleyî ameyî eştene.

Êlih de zî vera Fermandarîya Garnîzonî ya Hewayî çalakîye ameye kerdene. Herêma Taxa Gultepe ra vengê hîrê teqayîşan ame. Bajar de têgêrayîşo leşkerî dewam keno.