Goreyê Torra Heqanê Merdiman a Kurdîstanî tepişteyo sîyasî yo kurd Kamûran Kasimî Zîndanê Merkezî yê Ûrmîye de vera astengkerdişê pêvînayîşan û vera binpaykerdişê heqan 11 rojî yo grevê vêşanîye de yo.

Dîya zanayene ke Kasimî destpêkê grevê vêşanîye ra nata zîndan de yeno îzeolokerdene.

Torra Heqanê Merdiman dîyar kerd ke Kamûran Kasimî teşrîna verêne ya 2019î de tepişîyayo û hetê mehkemeya Îranî ra cezaya zîndanî ya 10 serran dîyaya ci.

Ame parekerdene ke mehkemeya îstînafî de cezaya 19 serran kerda 7 serran û 6 mengan.