Xeylêk şaristananê sey Hewlêr, Silêmanî, Helebçe, Dihok, Germîyan û Raperînî yê Başûrê Kurdîstanî de Newroze ameye fîrazkerdene.

Hewlêr

Hewlêr de berpirsîyaranê şaristanî pê bahaneya Korona  destûr nêda şayîye. Têna  Qelaya Hewlêrî de adirê Newroze ame tavistene. Wextê tavistişê adirî de xeylêk hemwelatîyî pê kincanê xo yê tradîsyonelan kom bîyî. Çend bajarek û qezayanê Hewlêrî de zî adirê Newroze ame tavistene.

Silêmanî

Sey her serre Silêmanî de zî Girê Mameyare de adirê Newroze ame tavistene. Şaristan de aktîvîteyê hunerî zî ameyî kerdene.

Dihok

Dihok de rixmê biira qedexeyî zî adirê Newroze ame tavistene û hemwelatîyî pê kêfweşî Newroze pêşwazî kerde.

Helebçe

Helebçe de bi hawayêkê girseyî adirê Newroze ame tavistene û şarî pê govendan Newroze fîraz kerde.

Germîyan û Raperîn

Germîyan û Raperîn de şarî pê coşî adirê Newroze vist ta. Qezaya Kelarî ya Germîyanî de 13.00 de Qelaya Şerwanî de adirê Newroze ame tavistene û hemwelatîyî pê kincanê tradîsyonelan tewrê şayîye bîyî.