Koyanê Zagrosî de gerîlayan bi merasîmêkê heybetînî Newroze fîraz kerde. 

Fermandaranê YJA-Starî ra Hêzile Ozgur merasîm de qisey kerd û vat: ''Sere de yê Rayber Apoyî ma Newroza şarê xo û dostanê xo fîraz kenê. Ma xoverdayîşê zîndanan selam kenê. Ma Newroza embazanê xo yê çeperanê şerî fîraz kenê. Çend serrî yo dewleta tirke ya îşxalkere bi giranî hêrişê têgêrayîşê ma û gerîlayan kena ke ma qir bikera û welatê ma îşxal bikera. Newroze roja xoverdayîş û serkewtişî ya. Şarê kurdî Kawayê Asinkerî rê heta Mazlûm Dogan, Egîd, zîlan û Bêrîtanan kulturêkê Newroze aferna û na xete ser o şino.

Artêşa tirke hêrişanê vera ma de bin kewte la hema zî amadekarîya şerêkê giranî kena. Artêşa tirke Herêmanê Pawitişî yê Medya kena hedef. Artêşa îşxalkere di serrî yo kena ke Zap de serwerîya xo îlan bikera la gerîlayê ma nêverdenê. Hêzê HPG û YJA-Starî hêzê xoverdayîşî yê şarê ma yê ke qewetê xo Rayber Apoyî ra gênê. Xoverdayîşê Îmraliyî kulturê ma yo. Xoverdayîşê Zîndanê Amedî kulturê ma yo. Ma nê kulturê xoverdayîşî ser o şinê. Şarê ma qetî vera hêrişan çok nêda erdî ro û do nêdo.''

Merasîmê gerîlayan bi slogananê sey "BIJÎ SEROK APO, BÊ SEROK JIYAN NABE, BI CAN BI XWÎN EM BI TE RE NE EY SEROK, JIN JIYAN AZADÎ" qedîya.