Riha de afîşê Partîya Şaran a Demokratîke (HDP) yê ke seba weçînayîşanê cayîyan ê 31’ê Adare bilboardan ra ameyî dardkerdene û ser o “Vera Şerî Haştîye” ameyo nuştene, netîceyê açarnayîşê skandalî de bi qerarê mahkeme ameyî arêdayene.

Hakîmîya Cezaya Sulhî ya 2’ine ya Riha, serê waştişê dozgerîye afîşê Vera Şerî Haştîye” sey “Şerî ra dima haştîye ya ma ya” açarna û semedê îxlalkerdişî madeya TMK'î ya 7’ine ra pêroyê bajarî de qerarê arêdayîşê afîşan da. Dimayê qerarê hakîmîye afîşê ke merkezê bajarî û qezayanê ci de ameyê dardkerdene, şewe hetê polîsan ra ameyî arêdayene.

HDP'yî vera qerarê arêdayîşê afîşan îtaraz kerd û waşt ke kes o ke afîş açarnayo bero cazekerdene.