Merkezê Îrtîbatî û Çapemenîye yê HPGyî da zanayene ke gerîlaya bi nameyê Sema Koçer Agirî de vera artêşa tirke çalakîya fedaîye kerde û detayê ci pare kerdî:

''Çarçeweya  Hemleya  Serekwtişê Şorişgêrî ya ke Eyaletê Serhadî de dewam kena 31 adare de hemraya ma Semra Korçer Bazîdê Agîrî de çalakîyêka fedaîye kerde. Çalakîye vera leşkeranê ke semedê asayîşê xeta lulîya gazê tabîyî ya ke nizdê bêrê sînorî yê Gurbulakî  de ya ameybî wezîfekerdene ameye kerdene. Hemra Sema ke bi hêzanê dişmenî kewte pêkewtiş 5 wesayîtê dişmenê ke semedê mudaxaleyî ameyî hedef girewtî û heme îmha kerdî. Netîceya çalakîye de tewr tay 30 leşkerî ameyî kiştene û bi desan zî birîndar bîyî. Na çalakîye semedê yadkerdişê hemrayanê ma Şehîd Ali Piling, Çîçeke Botan û  Dilgeş Botan ameye kerdene.

Hemraya ma Sema Koçera ke bi çalakîya fedaîye şehîd kewte zanayîşê derheqê nasnameyê ci wina yê:

Nameyê Qodî: Sema Koçer Name û Peyname: Rewşene Aşkara Cayê Bîyayîşî: Sêrt Maye-Pî: Kûdrete-Husnu Tarîx û cayê şehadetî: 31ê Adare 2020 / Agirî

Hemraya ma Sema Koçera ke 1995 de keyeyêkê welatperwerî yê Sêrtî de ameya dinya serranê xo yê ciwanî de Têgêrayîşê Azadîye yê Kurdîstanî nas kena û 2014 de verê xo danê koyanê azadan û tewrê sefanê gerîlayan ê ke sey cuya newe ra afernenê pênas kena bena. Hemra Sema ya ke tim û tim bi qerardarîye game pîtî eştêne semedê qesas girewtişê qirkerdiş û zulmê vera şarê kurdî ciwîyayêne. Hemre Sema ke xo her hetî ra aver berde û bîye gerîlayêka nimûneye xeylêk çalakîyanê stratejîkan de ca girewt û wezîfeyê xo bi serkewtişî ard ca û derbeya girde daye dişmenî ro. Sere keyeyê hemraya ma Sema ya ke bi çalakîya fedaîye  tewrê kerwena şehîdanê bêmergan bîye, heme şarê welatperwerî yê Kurdîstanî rê ma serweşîye wazenê û soz danê ma do têkoşînê şehîdan biresnê serkewtişî.''