Agirî de serê sibayî Hemşaredara Gîyadînî ya HDPyî Betule Yaşar pê operasyonêkê qirkerdişê sîyasîyî ameye destbendkerdene û polîsan zî dormeyê şaredarîye girewt. Şarê Agirî serebût protesto kerd. 

Wekîlanê HDPyî yê Agirî Dîlane Dîrayet Taşdemîr û Abdullah Koçî zî tede xeylêk kesan waşt ke verê bînaya HDPyî de rayîrî ra şorê û eşkerayîyêke bidê. Polîsan pare kerd ke ê do destûr nêdê çalakîye. Netîceya xoverdayîşê girseyî de rayîr ame dayene ke kuçeyê bînaya Şaredarîye de eşkerayîyêke bêra dayene.  

Wekîlê HDPyî yê Agirî Abdullah Koçî qisey kerd û vat: ''No şar do wayîrê îradeyê xo bivejîyo. Ma nê xespkerdişê îradeyî qebul nêkenê.''

Taşdemîre zî ard ziwan ke qeyûmî dizdî û talan kenê û vat: ''Wa îqtîdarê AKPyî bizano ke ma vera polîtîkayanê faşîstan sereyê xo do nêarê war. Êyê ke dişmenîya kurdan kenê do bin bikewê. AKP zî do bin bikewo.''
Çalakîye pê sloganê ''Qeyûmî do şorê, şar do bimano' û'AKP do hesab bido şar' qedîya.