Roniştişê dewaya vera Hemşaredarê Colemêrgî Mehmet Siddil Akiş Mehkemeya Cezaya Girane ya Colemêrgî de dest pêkerd. Dewa de 14 kesî yenê muhakemekerdene. 

Akişî roniştiş de pawitişê xo kerd. Akişî îfade kerd ke dozger, polîs û dadgerê ke o çax ewnîyayêne dosyaya ci endamê FETOyî bîyê û dosya sîyasî bîya. Akişî vat: ''Ez 53 serrî yo û bi serran o têkoşîn kena. Mi eşnawit ke derheqê mi de xeberê sey 'do biremayêne' ameyê amadekerdene. Ez peyê kerdişanê xo de ya. Mi se kerd zî ez peyê pêroyînan de ya. Warê sîyasîyî de mi wezîfe û mesuldarîyê xo ardî ca. Ez bi nînan zî sereberz a. Ez hepsî ra nêtersena û beratê xo wazena.

Ez wazena ke wa îdîaname newe ra bêro amadekerdene. Çira nika ez yeno muhakemekerdene? Ez zanena ke na dewa sîyasî ya.''

Roniştiş bi pawitişanê avûkatan dewam keno.