Colemêrgo ke pê çimeyanê xo yê awe yê zengînan şinasîyeno, polîtîkayanê qeyûmî ra bêawe mend. Colemêrgo ke nufusê ci 300 hezar kesî yo rixmê xeta awe ya bi 33 mîlyon lîra bêaw o.

Hemşaredarê Colemêrgî Cîhan Karamano ke herinda ci de qeyûm amebi tayînkerdene, vist vîrî ke wextê xo de înan xetê şaristanî sereraşt kerdî, xetêka newîye awan kerde û meseleya awe çareser kerdbî.

Karamanî vat: ''2017 de qeyûm ame tayînkerdene. Ey projeyê ma yê awe teslîmê mutehîdanê nêzdîyê îqtîdarî kerd û xeta ke ma viraştbî, destê înan de xera bîya. Qeyûmî Şaredarîya Colemêrgî binê deynan de verdaye û şar mexdûr kerd.''