Nakokîyê ke mabênê YNK û KDP'yî de yê, her rey bî hewayêkê cîyayî xo eşkera kenî. îdarekarê YNK'yî Mahmûd Sengawî vizêr waşt ke şêro Hewlêr, labelê asayîşê PDK'yî neverdayo ke Sengawî bikewe zereyê şaristanî.

Naye YNK zaf aciz kerd. Îdarekaranê YNK'yî ra Pawel Talabanî, Lahor Şêx, Cengî Talabanî, endamanê Komîteya Merkezî ya YNK'yî ra Çîmene Çemçemale û eşîranê mintiqaya Germîyanî nêrazîbîyayîşê xo yê astengkerdişê zîyaretê Sengawî eşkera kerd. Hetkaro Yewîn ê Sekreterê YNK'yî Kosret Alî Resûl zî nameyêk Sereko Pêroyî yê PDK'yî Mesûd Barzanî rê nuşt ke tede nêrazîbîyayîşê verba na rewşe ra behs kerd.

PDK: Berpirsîyar YKK yo

PDK‘yî derheqê babate de îzehetêk weşana û YNK sey berpirsîyara hêrişan mojna. Îzehet de ame parekerdene ke asayîşê YNK'yî serekîya înan a şaristanî ra berpirsîyar o û YNK sey berpirsîyarê hêrişî ame mojnayene. PDK'yî zî tehdît kerd ke eke çîyêk bêro sereyê wezîfedaranê înan, ê do Hewlêr de cevab bidê înan.

YNK: Ma Cigêrayîş Kenê

YNK'yî zî eşkera kerd ke wesayîtî ra fîşek ame eştene û derheqê tesbîtkerdişê wesayîtî û înanê ke wesayît de bî de cigêrayîşê înan dewam keno.