Şarê Amedî semedê pîrozkerdişê Roşanê Newroze pê slogananê ''Wa biciwîyo Serek Apo''û ''Wa biciwîyo xoverdayîşê zîndanan'' verê xo da Parka Newroze.

 Seba ke Şaredarîya Bajarê Pîlî ya Amedî hetê îqtîdarê AKP-MHPyî ra ame xespkerdene emser wesayîtê şaredarîye şar nêkirişenê warê Newroze. Coka durakan de zaf sixletî esta.

Şar pê kincanê xo yê neteweyîyayn û tîlîlîyan ver bi warê Newroze şino. Nuqtayanê kontrolî yê polîsan de bi bahaneyê cigêrayîşê bombayî şar bîlasebe yeno pawitene. Bi hezaran kesanê ke maskeyê ''Newroze pîroz bo'' kerdî bi pa dekewtişê warî de dest pê govende kerde.

Amedijê ke wazenê wa cade Rayberê Şarê Kurdî Abdullah Ocalan keye û muwekîlanê xo bîvîno slogananê ''Wa biciwîyo Serek Apo'' û  ''Wa biciwîyo xoverdayîşê zîndanan'' erzenê.

Reyna semedê kampanyaya ziwanê kurdkî ke seba ke wa kurdkî bibo ziwanê perwerdeyî û fermî ameye destpêkerdene standî ameyî ronayene.