Amed de 26ê nîsane de  endam û îdarekerê HDPyî zî tede 12 sîyasetmedarî çarçewa operasyonê qirkerdişê sîyasî de ameybî destbendkerdene. 12 kesî pê îdîaya 'propagandaya rêxistine' hetê Serdozgerîya Komare ya Amedî ra vizêr ameyî berdene bi edlîye û sewqê mehkeme bîyî.

12 sîyasetmedarî semedê vilakerdişanê medyaya dîjîtale û îfadeyanê şahîdan ê nimiteyan tepişîyayî.

Nameyê nê kesan wina yê: Îdarekarê HDPyî Ramazan Karakaya, Hamît Onur, Murat Ondeş, Sadik Tosun; Hemsereko verên ê HDPyî yê Peyasî Kadrî Akkaya, Hemsereko verên ê HDPyî yê Amedî Mehmet Bakir, Hemserekê MED-DERî Rifat Ronî, Endamê Meclîsê ŞAredarîya Yenîşehîrî Mehmet Zekî Bagcik, Endamê Şaredarîya Rezanî Nurettîn Bakan, Endama Meclîsê Şaredarîya Peyasî Songule Dag Kapanci.