Çarçewa operasyonê qirkerdişê sîyasî ê Serdozgerîya Komare ya Amedî de 24ê gulane de Amed, Adana, Mersîn, Dîlok, Dêrsim, Îstanbul û Êlih de polîsan eşt xeylêk keyeyan ser û 30 kesî destbend kerdbi. 

Nînan ra 14 kesî vizêr sewqê Edlîye ameyî kerdene. Serekwekîlê HDPyî yê Amedî Îrfan Soner, Hemserekê HDPyî yê Yenîşehîrî Kasim Kaya, Îdarekarê HDPyî yê Rezanî Kemal Baran, Îdarekaro verên ê HDPyî yê Payîzava Newroze Reşîtoglu, Endamê Meclîsê HDPyî yê Rezanî Husnu Arslan, Îdarekarê verên ê HDPyî Alî Îhsan Karahan, Îdarekarê HDPyî Abdullah Arkan û Şahîn Eroglu, Îdarekarê DBPyî Şahîn Tanriverdî, Îdarekarê TUAY-DErî Mehmet Ozel, mamostaya bi KHKyî Firat Aydenîz, Engîn Ihlamur pê waştişê tepişîyayîşî sewqê Mehkemeya Cezaya Sulhe ameyî kerdene.

Aslan, Kasim Kaya, Mehmet Ozel, Medenî Yanlış, Şahîn Eroglu îfadeyî ra dima pê şertê kontrolê edlîyî vera dîyayî. Abdullah Arkan, Yusuf Sekmen, Alî Îhsan Karahan, Kemal Baran, Şahîn Tanriverdî, Îrfan Soner, Firat Akdenîz, Newroz Reşîtoglu û Engîn Ihlamur bi îdîaya 'endamîya rêxistine' tepişîyayî.

14 kesê bînî zî kar û gureyanê îfadeyî ra dima ewro do sewqê edlîye bêrê kerdene.