1ê hezîrane de tedbîrê vîrusê Korona sist bîyî. A roje ra nata şaristan de hûmara waqayan zedîyena. Şaristan de her roje 120 kesê bînî pê vîrusê Korona kewenê û nika bi temamî 4 hezar nêweşî estê. Nêweşxaneyanê Amedî de 300-350 nêweşê Korona yenê weşkerdene. Nêweşê bînî zî keyeyê xo de binê karantîna de yê.   

10 rojanê peyênan de Amed de her roje 2-3 kesî Korona ra mirenê. Hetan nika zî tewr tay 80 kesî vîrusê Korona ra merdî.

Şaristan de her roje tewr tay 2-3 kedkarê weşîye yê bînî pê vîrusê Korona kewenê. Şaristan de bi temamî 220 kedkarê weşîye pê vîrusê Korona kewtî.