Amed de hîrê kesê bînî ameyî tepiştene

Amed de çarçewa operasyonê vera MEBYA-DERî de vizêr şan Zekî Dag, Hanime Atindag û keso/a ke nameyê ci nêame musayene ameyî tepiştene. Mewlude Gunduz zî bi şerte kontrolê edlîyî ameye veradayene.

27ê sibate de Amed de operasyonê vera Komeleya Kultur, Yewîye, Paştdayîş û Hetkarîye ya bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER)  de 14 kesî ameybî destbendkerdene û wextê nezaretî yê înan amebi dergkerdene.

Vizêr saetanê şanî de babîyê Wekîla HDPyî Dersim Dage û endamê MEBYA-DERî Zekî Dag, Hemsereka HDPyî ya Peyasî  Hanime Atindag û keso/a ke nameyê ci nêame musayene ameyî tepiştene. Mewlude Gunduz zî bi şerte kontrolê edlîyî ameye veradayene.

Verî zî çarçewe eynî operasyonî de Endamê MEBYA-DERî Meryeme Soylu (79) û Hatune Aslan (71) Îdarekara DBPyî ya Amedî  Hatîce Guneş zî tede 4 kesî  ameybî tepiştene. Heta nika 7 kesî ameyî tepiştene û 3 kesî bi şertê kontrolê edlîyî ameyî veradayene.