Qezaya Licê ya  Amedî de verê roşanî Komeleya Paştdayîşê Keyayanê ke Merdimê  xo Vînî Kerdî (MEBYA DER) Goristanê Sîsê de gorê şehîdan zîyaret kerdî. Îdarêkarê HDP û DBPyî yê bajar û qezayan, Mayê Haştîye, TUHAYDER û xeylêk kesî tewrê zîyaretî bîyî.

Seba ke kerrayê goran hetê leşkeranê tirkan ameyî şiktene xeylêk keyeyan gorê qicanê xo zor dîyî. Keyeyan kerrayê goranê qicanê xo kerdî raşt û mum fînayî ta. Goristan de semedê şehîdan rêz ame girewtene.

Hemserekê MEBYA-DERî Şehmus Karadagî ke tîya qisey kerd vat: ''Ma ameyê ke goranê merdimanê xo zîyaret bikerê, ma dî ke reyna gorî ameyî texrîpkerdenE. Merdeyanê ma ra zî tersenê.  Êyê ke tim qala Dîn îmanî kenê vera kurdan dişmenîye kenê. Ma nê polîtîkayan lanet kenê. Wa keyeyî wayîrê qican û ercanê xo vejîyê.''

Qezaya Dîcle de zî gori ameyî zîyaretkerdene.  Wekîl û îdarekarê HDPyî û xeylêk kesî tewrê zîyaretî bîyî. Heyetî waşt goristanê dewa Kurşunlu zîyaret bikerê la hetê leşkeran ra ameyî astengkerdene. Naye ser o heyetî goristanê qeza zîyaret kerd. Îdarekara MEBYA-DERî  Meryem Soylu vat: ''Destûr nêdanê ma şehîdanê xo bivînê zî.  Wina yew dewleta îşxalker û barbara ke şehîdanê ma rê tehemulê înan çîn o. Şehîdê ma namûsê ma yê. Ê se kenê wa bikerî do meeşkê ma rayrîê şehîdan, şar û welatê ma ra raqilnê.''