HDP do ewro bi tewrbîyayîşê hemserekanê pêroyî Pervîn Buldane û Sezaî Temllîyî qezaya Kayapinarî ya Amedî de kombîyayîşê nasdayişê namzedan virazo. Salona Konferansê ya Elegance Ayazî ya ke semedê kombîyayîşî ameya organîzekerdene, bînşewe polîsan eşt ser.

Cigêrayîşê polîsan de heme çîyêkê mesajê paştîdayîşê Leyla Guvena ke 78 rojî yo semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de ya, ameyî destseranayene. Şêwîrmendê Grûba HDPyî Emrullah Yalçin û xebatkarê partîye Murat Gokdag ameyî destbendkerdene. Yalçin û Gokdag dimayê dayîşê îfadeyî serbest ameyî veradayene.