Hêzanê Sûrîye ya Demokratîke (QSD) 11'ê Teşrîna verêne de eşkerayîyêk dayebî û nasnameyê 12 şervananê ke şerê qirkerdişê Tirkî yê vera Rojawanê Kurdistanî şehîd bibî eşkera kerdî.

Keyeyanê Bahoz Amedî (Erdal Demîroglu), Bager Çîya (Zeynel Olmez) û Dogan Amedî (Barzan Delîdere) tezîye naye roye û serweşîye qebul kenê.

Keyeyê Bahoz Amedî dewa Demîrtaşî ya Çermikî de, keyeyê Bager Çîyayî dewa Cimika ya Rezanî de, keyeyê Doganî zî keyeyê tazîye yê Karahasanî yê taxa Karahasanî yê Licê yê Amedî de serweşîye qebul kenê.

Parlamentera HDP'yî yê Amedî Remzîye Tosun, îdarekar û endamê şaristanê Amedî, qezayê Peyîzava, Rezan û Sûrî, endam û îdarekarê MEBYA-DER, TÛAY-DER, TJA şîyê zîyaretê seweşîye.

Heyet dima şi serweşîya keyeyê Bayram Ekîncîyo ke taxa Gurbeylî de hetê leşkeran ra amebi kiştene.