Rêxistina HDPyî ya Amedî seba ke bale bianca tecrîdê vera Rayberê Şarê Kurdî Abdullah Ocalanî û grevê vêşanîye yê tepişteyan ser waşt Parka Koşuyolu de eşkerayîye bida. Îdarekarê DBP û HDPyî, endam û îdarekarê Komeleya Hetkarîya bi Keyeyanê Tepişteyan (TUAY-DER) zî tewrê eşkerayîye bîyî. Polîsan dormeyê parke girewt binê ablûqa.

Wekîlê Hemserekanê HDPyî yê Amedî seba ke eşkerayîye bikerê polîsan de qisey kerd la polîsan seba ke tede çekuya tecrîd û grevê vêşanîye esta destûr nêda eşkerayîye.

Dima ke polîsan girse girewt binê ablûqa hemwelatîyan dest pê çalakîya roniştişî kerd. Girseyî pê çepikan polîsî protesto kerdî û dima zî vila bi.