Rêxistina HDPyî ya Amedî seba şermezarkerdişê tecrîdê vera Rayberê Şarê Kurdî Abdullah Ocalanî û wayîrvejîyayîşê grevê vêşanîye yê tepişteyan waşt eşkerayîyêke bida çapemenîye.

Îdarekarê HDP û DBPyî, endamê Meclîsê Mayanê Haştîye û Meclîsê Ciwanan ê HDPyî seba ke tewrê eşkerayîye bibê verê Peykerê Heqanê Merdiman ê Parka Koşuyolî ya Rezanî de kom bîyî labelê polîsan girse girewt binê ablûqa.

Polîsan pê bendan dormeyê peykerî girewt û vat ke ê do destûr nêdanê eşkerayîye.

Qirseyî pê çepik û tilîlîyan polîsî şermezar kerdî û dest pê çalakîya roniştişî kerd.