Rêxistina HDPyî ya Amedî roja 146. ya grevê vêşanîye de waşt verê Peykerê Heqanê Merdiman ê Parkan Koşuyoluyî de waşt eşkerayîyêke bida çapemenîye.

Hemserek û Îdarekarê HDP û BDPyî yê Amedî, aktîvîstê TJA, Komeleya Hetkarîya bi Keyeyanê Tepişteyan û Hukmwerdeyan (TUAYDER) û xeylêk hemwelatîyî seba eşkerayîye ameyî pêser.

Eşkerayîye ra verî polîsan dormeyê peykerî girewt, şar verê parke de vindarna û dormeyê îann zî girewt. Polîsanê tirkan pê bahaneya ke eşkerayîye de çekuyê 'tecrîd û grevê vêşanîye' estê destûr nêda eşkerayîye.

Girseyî pê sloganê 'Biciwîyo xoverdayîşê zîndanan' vera astengîya polîsan nêrazîbîyayîşê xo mojna û çalakîya roniştişî kerde.