Amed de êyê ke vizêr şayîya Newroze de ameyî destbendkerdene raştê îşkenceyê fîzîkî û psîkolojîkî ameyî.

Amed de vizêr şayîya Newroze de seba ke pûşî û şalê çeqer-sûre-hewze înan ser o estbî 63 kesî ameybî destbendkerdene. Înan ra 39 kesî serbest ameyî veradayene, 24 kesî hema nezaret de yê.

Goreyê zanayîşê ke êyê ke ameyî veradayene ra ame girewtene domanêko/a yew serre zî pîya bi dayîka xo nezaret de mend. Reyna domanê 3-5 serre zî pîya dayîkanê xo ameyî girewtene.

V. Ş. (12), M. Ş. (11) û R.K.  domano/a ke serre ci nêameyî musayene ameyî berdene şubeyê domanan û bi şertê zereyê hewteyî de do îfadeyê înan hetê serdozgerîye ra bêro girewtene ameyî veradayene.

Dîya zanayene ke êyê ke ameyî destbendkerdene û raştê îşkenceyî ameyî mîyanê de ciwanêko astengdar zî esto. Ame musayene ke ciwanê ke di rey krîz kerd hetê polîsan ra pê bendî ame girêdayene û xeylêk rey sereyê ey dîya dêsî ro.

Kesê ke nezaret de yê nameyê înan wina yê. Dîlane Çelik, Ayhan Seven, Dilşahe Aba, Aynure Kaya, Dîlane Yildiz, Bedirhan Guçmez, Gurbete Tarhan, Mulkiye Ozan, Şukrane Kader, Cahide Bakirhan, Omer Ustundal, Welat Zenol, Murat Kertay, Eyleme Okuşu, Hanife Yilmaz, Hilale Ekin, Sibel Yuksel Demirel, Gursel Kocaaga, Emine Nazli, Yusuf Topkaya, Mehmet Salih Kocadag, Yusuf Zengin, Omer Kaya û Hastin Ahmet.