Fermandaranê Qerargehê Merkezê Pawitişê Şarî Amed Malazgîrtî Radyoyê Dengê Welatî rê qisey kerd û hêrişê vera Herêmanê Pawitişî yê Medya, îxanetê PDKyî û xoverdayîşê gerîlayan ercnayî.

Qiseykerdişê Malazgîrtî ra tay noqtayî wina yê:

''Gerîlayî vera hêrişan çalakîyanê xurtan kenê. Dişmen wazeno sey 2021î Zap û Avaşînî îşxal bikero. Dewleta tirke pê çekanê NATOyî hêrişê ma kena ke nê çekî qedexe yê. Embazanê ma 17ê nîsane ra nata nêverda ke dişmen hewayî ra leşkeranê xo bîyaro herême. Têna tay cayan de ke destê ma de nîyê de dişmenî leşkerî ardî war.

Dişmenî pê hemkarîya tay xayînan Şêladizê ra leşkerî ardî Kuro Jahroyî. Nika Koyê Reşî, Şikefta Birîndara, Karker, Avaşîn, Cîloya Biçûk û Werxelê de şerêko pîl est o. Dewleta tirke paştîya xo teknikî ra gêna. La gerîlayî bêmabên hê fedakarîye kenê. 8 rojî yo xoverdayîşê gerîlayan ra dişmen nêeşka bireso armancê xo. Heta nika 218 leşkerê dişmenî merdî û 30 leşkerî zî birîndar bîyî. Reyna nê hêrişan de 17 embazê ma şehîd bîyî.

Sey parî dişmen reyna çekê qedexe û gazê kîmyewî xebitnayî. Hêzê mîyanneteweyî û NATO vera ney nêvejîyenê. Ganî şarê ma wayîrê domananê xo vejîyo.Ganî her kes înîsîyatîf bigêro û vera îşxalî sere wedarno. Wa şarê ma serkêşîya şarê Vakur û Amedî de vejîyo waran. Ganî şer derbazê Tirkîya bibo. Metropolan de û pêro cayan de wa şarê ma tewirê xo bimjno.

Dewleta tirke hol zanena ke domanê kurdî înan ra nêtersenê la dewlete ma ra tersena. Şarê kurdî û domanê Kurdîstanî do vera dişmenî çok nêşorê erdî.Rayîrê Kurdîstanê Azadî de şehadet ma rê şeref o. Ma do çend bidelan bidê zî do ser bikewê. Wa pêro kurdî wayîrê gerîlayan vejîyê.''