Fermandaranê Qerargehê Merkezê Pawitişê Şarî (MPŞ) ra Amed Malazgîrtî ANFyî rê derheqê têkoşînê gerîlayan û rewşa şerî ya peyêne de qisey kerd.

Qiseykerdişê Malazgîrtî ra tay noqtayê girîngî wina yê:

''Rayber Apo 24 serrî yo hetê dewleta tirke ya îşxalkere ra binê tecrîdî de tepişîyeno. Dewleta tirke kena ke bi tecrîdî şarê ma Rayber Apoyî ra biqerifna. La şarê ma seba azadîya Rayber Apoyî bêmabên têkoşîn keno. Ewro pêro dinya wayîra fikranê Rayberîye vejîyena. Tewr peyên seba azadîya Rayberîye hemleyêka pîle dîyaye destpêkerdene. Ez na hemle selam kena. 

Filîstîn de dewleta Îsraîlî qirkerdişêkê pîlî kena. Dewleta tirke û îqtîdarê AKP-MHPyî pê qiseyan kenê ke şarî bixapînê la a raşte seba şarê Filîstînî çîyêkî nêkenê. Dewleta tirke têkilîya xo ya bi Îsraîlî nêbirnaye. Şarê Filîstînî xemê Erdoganî û dewleta tirke de nîyo. Erdogan vano ke o hetê mazlûman de yo la şarê kurdî qir keno. Xora qet yew dewleta dinya zî goş nêkuwena qiseyanê Erdoganî.

8 serrî yo dewleta tirke bêmabên hêriş kena û gerîlayê ma bêmabên cewab danê hêrişan. Ma hêrişê dewlete yê vera Garê ra nata şerê tunelan kenê esas. Garê de ma serkewtişêko pîl vistbi destî. Şerê Heftanînî de hetê şerê tunelan de ma metodê tîmanê hereketînan zî şuxilna. 2 serrî yoo Zap û Avaşîn de şerêko pîl est o. Dewleta tirke vera zûran kena û vana ke PKK qedînayo. La her ca de têkoşînê ma dewam keno. Dewleta tirke ancax eşkaye tay giran bivisna destî. Naye ra ber herême de kontrol destê hêzanê ma de yo.

Dewleta tirke hêrişanê xo de çekan û bombayanê kîmyewîyan û qedexeyan şuxilnena. Pêro dinya verê ney de bêveng a. Dewleta tirke vana ke PKK qedînayo la Vakur de her roje operasyonêkê bînî dana destpêkerdene. Seke zanîyeno embazanê ma Erdal û Rojhatî Anqara de çalakîyêka fedayîye kerde. Yanî şer her ca de yo. Nê şerî dewleta tirke pêro qanûnan binpay kena. NATO û Yewîya Ewropa zî paştî danê ci.

Dewleta tirke PKKyî rê vana terorîst la a bi xo terorîst a. Pêro metodê ci yê şerî zî metodê terorî yê. Zulmê dewleta tirke zulmê Îsraîlî ra xirabêr o. Pêro dinya verê nê zulmî de bêveng bimana zî qetî milîtanê PKKyî hesabê ci dewleta tirke ra bipersê. Ma do qesasê pêro şehîdanê xo bigêrê. No sozê pêro milîtananê PKKyî yo.

Dewleta tirke eke PKKyî bêtesîr bikera hêrişê Başûrî zî bikera û pêro waranê kurdan îşxal bikera. Xora bi destekê PDKyî dewleta tirke tay cayê Başûrî îşxal kerdî. Herêmanê Pawitişî yê Medya de şerê ma dewam keno. Dewleta tirke seba ke netîceyêke bivisna destî bombrdumanê xo yê kîmyewîyî zêdînayî. La ma sey gerîlayan bedelê ci çi beno wa bibo heta peynî xo ver bidê.''