Rezanê  Amedî de nobetdaran kesêko waştêne bizor destbend bikerê binateyê rayîrî de mardina ra û  payna milê ci. Dima ke polîsî  ameyî înan ra yewî zî paskul eşt rîyê ey.

Hemwelatîyan qewqimîyayîş bi telefonanê xo ant. Qewimîyayîşo ke vizêr şewe bi de yeno vînayene ke  nobetdarî bizor kesêkî erzenê erd û cêmîyenê ci. Dîmenî kişîyayîşê George Floydî yo ke Amerîka de hetê polîsan ra pay nîya mile ci û fatisya, anê  vîr. Seba ke dorme ra şarî nêrazîbîyayîş ramojna, pawitoxan xebere da polîsan. Xeylêk wesayîtê zirxinî ameyî. Dima ke polîsî ameyî înan yewî paskul eşt rîyê kesê ke raştê hêrişê nobetdaran ame. Polîsan bi gazê bîberî hêrişê ciwananê ke nêrazîbîyayîş ramojna kerd û 4 kesî destbend kerdî. Pîya bi keso ke ci rê hêriş ama kerdene 5 kesî ameyî destbendkerdene.